Prestamos servizos de consultoría en materia de avaliación, planificación, promoción, adquisición, organización, mantemento, formación, xestión, investigación, control de calidade e, en xeral, calquera materia relacionada co sector sanitario, especialmente no eido da alta tecnoloxía sanitaria.
As principais liñas de actuación céntranse no ámbito da planificación, asesoría e xestión de tecnoloxías médicas:
- Planificación centralizada de compra de recursos/novas tecnoloxías sanitarias de modalidades específicas. Desenvolvendo inventarios técnicos do equipamento instalado con información relativa ao estado funcional/tecnolóxico e estudos das principais tendencias tecnolóxicas. Considéranse diversos aspectos coma a organización funcional, niveis de actividade e dispoñibilidade de espazos, aspectos relativos a sostibilidade. Desenvólvense estándares baseados na situación real das tendencias do contorno e capacidades do equipamento instalado. Realízase a análise comparativa de alternativas tecnolóxicas existentes no mercado, tanto en aspectos técnicos como económicos conxuntamente coa actividade asistencial.
- Plans de dotación e priorización de investimentos para centros de nova construción ou implantación/adecuación de centros existentes, incluíndo dentro do alcance de estudo o mobiliario clínico e xeral.
Análise dos plans de necesidades desenvolvidos polos profesionais ou determinación de cantidades, calidades e especificidades técnicas do equipamento preciso, incluíndo o plan de sustitucións e renovacións.
- Pregos técnicos para a licitación de adquisición de equipamento. Conciliando os requisitos funcionais e tecnolóxicos dos servizos asistenciais, a oferta existente no mercado e o marco normativo do proceso de contratación. Desenvolvendo no caso de ser requirido polo proxecto propostas de lotificación e criterios de valoración.
- Desenvolvemento de informes técnicos de valoración de ofertas para procedementos de adquisición. Analizando as ofertas presentadas, segundo o proceso de compra e o seu marco normativo específico, dando resposta técnica aos requerimentos dos tribunais de recursos contractuais no seu caso.
- Análise de contratos e pregos técnicos de licitación de servizos de mantemento.
- Estudos de viabilidade de incorporación de tecnoloxías e deseño de posta en marcha de novos servizos. Adaptando a metodoloxía a cada caso específico, pero tendo en conta as necesidades asistenciais a resolver, o contexto tecnolóxico e grado de madurez da tecnoloxía.
A redacción destes informes contempla, entre outros: análise das opcións tecnolóxicas, análise da demanda asistencial, análise de viabilidade económico-financeira, análise de posibles escenarios de xestión, deseño do servizo para implantar: catálogo de produtos e nivel de actividade, localización ideal, equipamento e instalacións, organización funcional, elaboración de calendario de desenvolvemento e determinación de puntos críticos do proxecto.
- Soporte para o desenvolvemento de proxectos de compra publica de innovación. Este tipo de proxectos son desenvolvidos á medida do reto ao que debe dar resposta o proxecto e ao estado de maduración do mercado no eido a abordar. Como exemplo destas actividades podemos citar o soporte técnico na definición dos restos, no análise da resposta as consultas de mercado, a elaboración de especificacións funcionais, guías de avaliación para comités de expertos, a supervisión e control da execución dos proxectos, etc.
- Planificación estratéxica. Realizando unha análise contextual específica, supervisión e coordinación de grupos de traballo, redacción de propostas de actuación, priorización e calendarización de actividades e soporte na implantación dos plans desenvolvidos.